एमसीसीविरुद्धको प्रदर्शनमा प्रहरीको गाडी तोडफोड

काठमाडौं– एमसीसीको विरोधमा उत्रिएका प्रदर्शनकारीले महानगरीय प्रहरीको गाडी तोडफोड गरेका छन्।

प्रदर्शनकारीले बिजुलीबजारमा प्रहरीको बा १ झ ७८८८ नम्बरको गाडी तोडफोड गरेका हुन्। प्रहरीले तोडफोडमा संलग्न केही प्रदर्शनकारीलाई नियन्त्रणमा लिएको छ।

आज बिहानैदेखि प्रदर्शन सुरु गरेका आन्दोलनकारीले अपराह्न प्रदर्शन चर्काएका थिए। आन्दोलनकारी उग्र बन्दै गएपछि प्रहरीले पानीको फोहरा, अश्रु ग्यास र रबरको गोलीसमेत प्रहार गरेको थियो।