काठमाडौं- काठमाडौंको कलंकी नजिकै ढुंगेअड्डामा फेला परेको प्रेसर कुकर बम निस्क्रिय पारिएको छ। तार जोडेर खतरा लेखिएको प्रेसर कुकर बम सेनाको टोलीले निस्क्रिय पारेको प्रहरीले जनाएको छ।
कालिका पेट्रोल पम्प नजिक सडकमा आज बिहान भेटिएको दुई वटा बम नेपाली सेनाको बम डिस्पोजल टोलीले निस्क्रिय पारेको हो।
बम कसले राखेको हो भन्नेबारेमा प्रहरीले अनुसन्धान थालेको जनाएको छ। अमेरिकी सहयोग परियोजना एमसीसीको विषयमा विभिन्न ठाउँमा आन्दोलन भइरहेका बेला कलंकीमा बम फेला परेको हो।