सुदूरपश्चिममा थप २४६ जनामा कोरोना संक्रमण
धनगढी- सुदूरपश्चिम प्रदेशमा पछिल्लो २४ घण्टामा थप २४६ जनामा कोरोना भाइरसको सङ्क्रमण देखिएको छ। सो अवधिमा प्रदेशभर पीसीआर र एन्टीजेन विधिबाट एक हजार १४२ जनाको नमूना परीक्षण गरिएको थियो।
स्वास्थ्य निर्देशनालयका अनुसार पीसीआर विधिमार्फत ८८ जना तथा एन्टीजेनमार्फत १५८ जनामा कोरोना पुष्टि भएको हो। पीसीआरमार्फत सेती प्रादेशिक अस्पतालमा ६१, महाकाली अस्पतालमा १४, डडेल्धुरा अस्पतालमा १३ र एन्टीजेनमार्फत कञ्चनपुरमा ७५, कैलालीमा १५, डडेल्धुरामा १५, बझाङमा आठ, बाजुरामा १६, डोटीमा पाँच, बैतडीमा १५, अछाममा पाँच र दार्चुलामा चार जनामा सङ्क्रमण पुष्टि भएको हो।
यस्तै पछिल्लो २४ घण्टामा प्रदेशभर १८८ जना कोरोनाबाट निको भएका छन्। सो अवधिमा प्रदेशमा कोरोनाबाट एक जनाको मृत्यु भएको छ। कैलालीको धनगढी उपमहानगरपालिका–५ का ५५ वर्षीय पुरुषको सेती प्रादेशिक अस्पतालमा उपचारको क्रममा मृत्यु भएको हो।
यसअघि सोमबार सुदूरपश्चिममा ४१३ जनामा कोरोना सङ्क्रमण पुष्टि हुँदा १९४ जना निको भएका थिए। सुदूरपश्चिममा संक्रमणका कारण हालसम्म ६२४ जनाको ज्यान गइसकेको छ।
कोसी प्रदेशमा आज सार्वजनिक बिदा
प्रदेश १ को नाम कोशी राख्न एमालेद्वारा प्रस्ताव दर्ता
प्रदेश १ ले आज नाम पाउँदै, कोशी हुने सम्भावना
बागमतीबाट पनि बाहिरियो राप्रपा
म्याग्दीका असला: पारखीलाई पुर्याउनै मुस्किल
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com