प्रधानमन्त्री देउवा देशवासीका नाममा सम्बाेधन गर्दै [LIVE]

'चैतसम्ममा मैले खोप लगाउनयोग्य सबैलाई निशुल्क खोप लगाइसक्ने बताएको थिएँ। त्यसका लागि अहिले खोप अभियान जारी छ। हालसम्म १८ वर्षमाथि उमेरसमूहका ६५ प्रतिशत नागरिकलाई खोप दिइएको छ।'

नेपाल समय | शुक्रबार, माघ ७, २०७८

नेपाल समय

शुक्रबार, माघ ७, २०७८

काठमाडौं– प्रधानमन्त्री शेरबहादुर देउवाले शुक्रबार देशवासीका नाममा सम्बोधन गरेका छन्। असार २९ गते पाँच दलीय गठबन्धनमा प्रधानमन्त्री बनेका देउवाले छ महिनाको अवधिमा पहिलोपटक राष्ट्रका नाममा सम्बोधन गरेका हुन्।

उनले आगामी चैतसम्ममा खोप लगाउन योग्य बसैलाई निशुल्क खोप वितरण गर्ने आफ्नो प्रतिबद्धता स्मरण गरे। 'चैतसम्ममा मैले खोप लगाउनयोग्य सबैलाई निशुल्क खोप लगाइसक्ने बताएको थिएँ,' प्रधानमन्त्री देउवाले भने, 'त्यसका लागि अहिले खोप अभियान जारी छ। हालसम्म १८ वर्षमाथि उमेरसमूहका ६५ प्रतिशत नागरिकलाई खोप दिइएको छ।'

प्रम देउवाले हालसम्म ४ करोडभन्दा बढी डोज खोप प्राप्त भएको उल्लेख गरेका थिए। यस्तै २ करोड ७५ लाख डोज लगाइसकिएको र १ करोड १८ लाख ६९ हजारलाई पूर्ण मात्रामा खोप दिइएको भनाइ छ।

यस्तै ६० वर्षमाथिका व्यक्तिका लागि यसै महिनादेखि बुस्टर डोज दिइने उनले घोषणा गरे। यसका साथै ५-१२ वर्ष उमेर समूहका लागि खोप अभियान छिटै सुरु गरिने उनको भनाइ छ।

भ्याक्सिन र अक्सिजन उत्पादन गर्नेलाई वित्तीय सहुलियत दिइएको र अस्पतालमा पूर्वाधार सुधार गरिएको उनले उल्लेख गरे।

प्रकाशित: Jan 21, 2022| 16:26 शुक्रबार, माघ ७, २०७८