आर्सनललाई हराउँदै लिभरपुल ईएफएल कपको फाइनलमा

आर्सनललाई हराउँदै लिभरपुल ईइफएल कपको फाइनलमा प्रवेश गरेको छ।

नेपाल समय | शुक्रबार, माघ ७, २०७८

नेपाल समय

शुक्रबार, माघ ७, २०७८

आर्सनललाई हराउँदै लिभरपुल ईएफएल कपको फाइनलमा

काठमाडौं– आर्सनललाई हराउँदै लिभरपुल ईइफएल कपको फाइनलमा प्रवेश गरेको छ। बिहीबार राति सम्पन्न सेमिफाइनल खेलको दोस्रो लेगमा लिभरपुलले २–० को जित निकाल्दै सोही नतिजाका साथ फाइनल पुगेको हो।

गएको जनवरी १४ मा सम्पन्न पहिलो लेगको खेल गोलरहित बराबरीमा रोकिएको थियो। पहिलो लेगको खेलमा गोल नभएपछि दोस्रो लेगको नतिजाका आधारमा लिभरपुल फाइनल पुगेको हो।

आर्सनलको इमिरेट्स मैदानमा भएको खेलमा डियागो जोटाले दुवै गोल गरे। उनले खेलको १९औं र ७७औं मिनेटमा गोल गर्दै लिभरपुललाई जित दिलाएका हुन्।

यता आर्सनलका थोमस पार्टीले खेलको अन्तिम मिनेटमा रातो कार्ड बेहोरेपछि आर्सनल १० खेलाडीमा समेटिएको थियो।

अब ईएफएल कपको फाइन खेल फेब्रुअरी २७ मा हुनेछ। सो फाइनल खेलमा उपाधिका लागि चेल्सी र लिभरपुले वेम्बली रंगशालामा प्रतिस्पर्धा गर्नेछन्।