जापानमा एउटा यस्तो स्कुटर निर्माण गरिएको छ, त्यसलाई कुर्सी र बेन्चका रूपमा प्रयोग गर्न सकिन्छ। टोक्यो युनिभर्सिटीका वैज्ञानिकले निर्माण गरेको यो स्कुटरको नाम 'पोइमो' दिइएको छ। यसलाई भविष्यमा कम दुरीको साधनका रूपमा प्रयोग गरिने बताइएको छ। पोर्टेबल यो स्कुटर ब्याट्रीबाट चल्छ।
थर्मोप्लास्टिकबाट बनेकाले यसमा हावा भरेर स्कुटर, कुर्सी र बेन्च बनाउन सकिन्छ। कुनै पनि साधन उपलब्ध नहुने ठाउँमा छोटो दुरीका लागि पोइमो उपयोग हुने दाबी वैज्ञानिकहरूले गरेका छन्। उनीहरूले आवश्यक पर्दा यसमा हावा भरेर कुर्सी र बेन्चका रूपमा पनि प्रयोग गर्न सकिन्छ।