जिल्लास्तरीय रनिङ शिल्ड प्रतियोगिता हुने

बुटवल– बुटवलस्थित कालिका मानविज्ञान माध्यमिक विद्यालयले जिल्लास्तरीय रनिङ शिल्ड प्रतियोगिता २०७८ गर्ने भएको छ।  ६१ औं वार्षिकोत्सव तथा अभिभावक दिवसको अवसरमा रनिङ शिल्ड गर्ने भएको हो।

मंगलबार विद्यालय परिसरमा पत्रकार सम्मेलन गरी प्राध्यापक दिनेश थापाले पुस १ गतेबाट ७ गतेसम्म खेल सप्ताह गरिन लागिएको जानकारी दिए। प्रतियोगितामा प्रथम हुने टिमले नगद ५० हजार रुपैयाँ सहित शिल्ड, मेडल, प्रमाणपत्रबाट पुरस्कृत गरिने विद्यालयका प्रधानाध्यापक दिने थापाले बताए।

यसैगरि दोस्रो टिमले ३० हजार नगद, तेस्रो टिमलाई नगद २० हजार रुपैयाँ सहित मेडल, प्रमाणपत्रबाट पुरस्कृत गरिने छ। छात्रछात्रा गरी दुई विधामा कक्षा १२ सम्मका विद्यार्थीहरुले भाग लिने उनले बताए। कुल १६ स्वर्ण पदक, १६ कास्य र १६ रजत पदकका लागि प्रतिस्पर्धा हुने छ।

प्रतियोगितामा ३० वटा विद्यालयका ४ सय ८० जना खेलाडीहरु ६० जना प्रशिक्षकहरु सहभागी हुने छन्। यसैगरी सेक्टर २ रामनगरमा खुल्ला ५ हजार मिटर दौड, कालिका गायनकला प्रतियोगिता, विज्ञान प्रविधि प्रर्दशनी गर्ने विद्यालय ब्यवस्थापन समितिका अध्यक्ष होम बहादुर गलामीले जानकारी दिए।