चोटिल समयमा गोल बेहोरेपछि बराबरीमा रोकियो चेल्सी

काठमाडौं- डिफेन्डिङ च्याम्पियन्स चेल्सी युरोपियन च्याम्पियन्स लिगअन्तर्गत समूह चरणको अन्तिम खेलमा बराबरीमा रोकिएको छ। जेन्ट सेन्ट पिटर्सबर्गको मैदानमा बुधबार राति सम्पन्न खेलमा चेल्सी घरेलु टिमसँग ३-३ गोलको बराबरीमा रोकिएको हो।

चेल्सीका लागि टिमो वार्नरले दुई गोल गरे भने रोमेलु लुकाकूले एक गोल गरे। वार्नरले दोस्रो मिनेटमै खेलको पहिलो गोल गरेका थिए।

त्यसपछि जेन्टका रोड्रिडस लियोनेल र अज्मोउनले गोल गर्दै पहिलो हाफमा चेल्सीलाई २-१ गोले पछि पारेका थिए। दोस्रो हाफमा लुकाकु र वेर्नरले गोल गर्दै चेल्सीलाई ३-२ गोलले अघि ल्यउन सफल भए।

तर, खेलको दोस्रो हाफमा मैदानमा आएका मगोमेद ओज्डोएभले चोटिल समयमा गोल गरेपछि खेल ३-३ गोलअन्तरको बराबरीमा रोकिएको थियो। यो बराबरीसँगै चेल्सीले शीर्षस्थानमा रहने मैका गुमायो। उसले दोस्रो स्थानमा रहँदै समूह चरण पार गरेको छ।

खेलपछि चेल्सीका प्रशिक्षक थोमस टुचेलले आफ्ना खेलाडीले सुरुआति लिड लिइसकेपछि खेलको आफ्नो स्वभाव परिवर्तन गरेकाले बराबरीमा रोकिनुपरेको बताएका छन्।

‘हामीले  पहिलो १५ मिनेट निकै राम्रो खेल्यौँ। तर त्यसपछि त्यस्तो प्रदर्शन भएन,’ उनले भने।