जसपाले गठन गर्‍यो मधेश प्रदेश समिति, अध्यक्षमा रामबाबु कुमार यादव

जनकपुरधाम- जनता समाजवादी पार्टीले आफ्नो मधेश प्रदेश समिति गठन गरेको छ। रामबाबु कुमार यादवको नेतृत्वमा प्रदेश कमिटि गठन गरिएको छ। 

जनकपुरधाममा बुधबार प्रदेश समितिका निवर्तमान अध्यक्ष विजय कुमार यादवले रामबाबुको नेतृत्वमा ११ सदस्यी समिति घोषणा गरेका हुन्। एक अध्यक्ष, पाँच उपाध्यक्ष, एक मुख्यसचिव, ३ सचिव र एक कोषाध्यक्षको नाम घोषणा गरिएको हो।

समितिमा एक अध्यक्ष, पाँच उपाध्यक्ष, एक मुख्यसचिव, ३ सचिव र एक कोषाध्यक्षको नाम घोषणा गरिएको हो। उपाध्यक्ष पदमा रामपृत पासवान, शम्भु झा, शेष नारायण यादव, वृजमोहन तिवारी र राम सेवक यादव छन् भने मुख्य सचिवमा दिनेश कुमार यादव, सचिवमा त्रय युसुफ अलि, निरा साह र शैलेश कुमार साह र कोषाध्यक्षमा रेणु यादवलाई चयन गरिएको जसपाका केन्द्रिय कार्यकारिणी सिमति सदस्यसमेत रहेका मन्त्री विजयकुमार यादवले बताए।

पार्टी एकीकरण पश्चात केन्द्रीय कार्यकारिणी  समिति, केन्द्रीय समिति, संघीय परिषद गठन भइसकेको अवस्थामा पार्टीको कात्तिक १५ गते बसेको प्रदेश परिषद्‌को निर्णय अनुसार बुधबार समिति गठन गरिएको हो।