केन्द्रीय सदस्यमा रावलले लिएनन् शपथ

एमाले निर्वाचन समितिका संयोजक विजय सुब्बाले रावलको नाम केन्द्रीय कमिटी सदस्यमा पढेका थिए। तर, रावलले केन्द्रीय कमिटीमा नबस्ने जानकारी दिएका छन्।

नेपाल समय | मंगलबार, मंसिर १४, २०७८

नेपाल समय

मंगलबार, मंसिर १४, २०७८

शपथ ग्रहण कार्यक्रममा विजयी अध्यक्ष केपी शर्मा ओली र पराजित अध्यक्ष भीम रावल।

काठमाडौं- नेकपा एमालेको केन्द्रीय सदस्यमा विजयी भएका भीम रावलले केन्द्रीय सदस्यका सरूपमा शपथ ग्रहण नगरी शपथ ग्रहण कार्यक्रम सकिएको छ। एमाले विधान अनुसार केन्द्रीय पदाधिकारी र केन्द्रीय सदस्य दुवैमा उम्मेदवारी दिन मिल्ने र पदाधिकारीमा विजयी नभएर केन्द्रीय सदस्यमा निर्वाचित भएपनि उनले शपथ नलिएका हुन्।

उनले अध्यक्ष पदमा पराजित भएमा आफू केन्द्रीय सदस्यमा नबस्ने बताएका दिए। विधान अनुसार निर्वाचन समितिले उनको उम्मेदवारी स्वतः केन्द्रीय सदस्यमा पनि राखेको थियो। तर, रावलले आफूले उम्मेदवारी नदिएको पदमा पनि राखेको भन्दै दिउँसो आपत्ति जनाएका थिए।

प्रकाशित: Nov 30, 2021| 19:46 मंगलबार, मंसिर १४, २०७८