केन्द्रीय सदस्य अस्वीकार गरेर चितवन छाडे लालबाबुले

नेकपा (एमाले)का नेता लालबाबु पण्डित चितवनमा जारी महाधिवेशनस्थल छोडेर काठमाडौं आइपुगेका छन्।

नेपाल समय | सोमबार, मंसिर १३, २०७८

नेपाल समय

सोमबार, मंसिर १३, २०७८

केन्द्रीय सदस्य अस्वीकार गरेर चितवन छाडे लालबाबुले

फाइल तस्बिर

चितवन– नेकपा (एमाले)का नेता लालबाबु पण्डित चितवनमा जारी महाधिवेशनस्थल छोडेर काठमाडौं आइपुगेका छन्। पदाधिकारीका आकांक्षी पण्डितलाई अध्यक्ष केपी ओलीले पदाधिकारी सूचीमा नअटाएपछि उनले महाधिवेशन नै बहिष्कार गरेका हुन्।

ओलीले प्रस्ताव गरेको केन्द्रीय सदस्यको सूचीमा परेका पण्डित केन्द्रीय सदस्य नबन्ने घोषणा गर्दै काठमाडौं फर्किएका हुन्। ‘मैले पहिले नै पदाधिकारीबाहेक अन्य पदमा बस्दिन भनेर घोषणा गरेको थिएँ। सोहीअनुसार केन्द्रीय सदस्य त्याग गरेको हुँ,’ पण्डितले भनेका छन्,

‘बिहानको खाना खाएर म अहिले काठमाडौं फर्किसकेको छु। निर्वाचन समितिले उम्मेदवार दिने अवसर दिए पनि कुनै पनि कार्यकारी पदमा उम्मेदवार रहन अनिच्छुक भएकाले काठमाडौं फर्किएको हुँ।’ पण्डितले केन्द्रीय सदस्य अस्वीकार गर्दै सम्पूर्ण कार्यकारी पदबाट बिदा लिएको सामाजिक सञ्जालमा लेखेका छन्।

प्रकाशित: Nov 29, 2021| 14:36 सोमबार, मंसिर १३, २०७८