एमाले अध्यक्षका लागि उम्मेदवारी शुल्क १५ हजार, केन्द्रीय सदस्यलाई पाँच सय

सौराहा- नेकपा एमालेले सहमति नजुटेका पदमा आन्तरिक प्रतिस्पर्धा गराउने भन्दै निर्वाचन तालिका र मतदाता नामावली सार्वजनिक गरेको छ।

सार्वजनिक कार्यतालिकामा उम्मेदवारी दर्ताका लागि शुल्क निर्धारण गरिएको छ। जसमा अध्यक्षका प्रतिस्पर्धीले १५ हजार शुल्क बुझाउनु पर्नेछ। त्यसैगरी पदाधिकारीले १० हजार, केन्द्रीय सदस्यको उम्मेदवारी दर्ता गराउन पाँच सय तिर्नुपर्नेछ।

निर्वाचन आयोगले मध्यरातमा सार्वजनिक गरेको सूचनाअनुसार पदाधिकारीले १० हजार र केन्द्रीय सदस्यले ५ सय शुल्क बुझाएपछि मात्र उम्मेदवार हुन पाउने छन्।
राति ११ बजे मतदाता नामावली प्रकाशन गरेर साढे ११ बजेसम्म उम्मेदवारको दरखास्त फारम वितरण गर्ने र राति ११स्३० देखि १२स्३० सम्म उम्मेदवारी दर्ताको समय दिइएको छ। राति १ बजेसम्म उम्मेदवारको नामावली प्रकाशन गर्ने कार्यक्रम तय गरिएको छ।

त्यसैगरी राति १स्२५ सम्म उम्मेदवारविरुद्ध उजुरी दिने र १स्३० बजे उम्मेदवारको नामावली पुनस् प्रकाशन गरिने भएको छ। त्यसैगरी राति १स्३० देखि २स्०० बजेसम्म उम्मेदवारको नाम फिर्ता लिने समय दिइएको छ भने उम्मेदवारको अन्तिम नामावली प्रकाशन राति २स्०० बजे गरिने भएको छ।

सर्वसम्मति नभएको अवस्थामा मतदानको समय भने सोमवार बिहान ९ बजेदेखि अपरान्ह ४ बजेसम्म तोकिएको छ।