एमाले अध्यक्ष मण्डलको बैठक सुरु, केन्द्रीय कमिटीका सदस्यबारे छलफल

नेकपा एमालेको अध्यक्ष मण्डलको बैठक सुरु भएको छ। चितवनको सेभेन स्टार होटलमा बन्द सत्र सुरु हुनुअघि अध्यक्ष मण्डलको बैठक सुरु भएको एमालेकै एक नेताले जानकारी दिएका छन्।

नेपाल समय | आइतबार, मंसिर १२, २०७८

नेपाल समय

आइतबार, मंसिर १२, २०७८

एमाले अध्यक्ष मण्डलको बैठक सुरु, केन्द्रीय कमिटीका सदस्यबारे छलफल

शनिबार बसेको अध्यक्षमण्डलको बैठक।

काठमाडौं- नेकपा एमालेको अध्यक्ष मण्डलको बैठक सुरु भएको छ। चितवनको सेभेन स्टार होटलमा बन्द सत्र सुरु हुनुअघि अध्यक्ष मण्डलको बैठक सुरु भएको एमाले नेता शेरबहादुर तामाङले जानकारी दिएका छन्।

ओलीले प्रस्ताव गरेका २०१ केन्द्रीय कमिटी सदस्यको नामको विषयमा अध्यक्ष मण्डलमा छलफल गरिने भएको छ। अध्यक्ष मण्डलले उक्त नाम पारित गरेपछि बन्द सत्र हलमा ल्याएर अनुमोदन गराइने भएको हो।

११ सदस्यीय कमिटीमा एमाले उपाध्यक्ष भीम रावललगायतका नेताहरु सदस्य छन्। एमालेको केन्द्रीय कमिटी विघटन भएपछि अध्यक्ष मण्डल निर्माण गरिएको थियो । बन्द सत्रलाई कसरी अगाडि बढाउने भन्ने सवालमा अध्यक्ष मण्डलले निर्णय गर्ने छ।

अध्यक्ष ओलीले होटल सफारीमा बसेर आइतबार दिनभर पदाधिकारी र केन्द्रीय कमिटीको रहने सदस्यहरुको नामावली टुंगो लगाएका थिए।

प्रकाशित: Nov 28, 2021| 22:14 आइतबार, मंसिर १२, २०७८