जनकपुरधाम– प्रदेश २ प्रदेशसभाको आठौं अधिवेशन यही मंसिर २९ गतेदेखि सुरु हुने भएको छ। संविधानको धारा १८३ को उपधारा (१) बमोजिम प्रदेश प्रमुख हरिशंकर मिश्रले प्रदेशसभाको अधिवेशन आह्वान गरेका छन्।
मंसिर २९ गते बिहान ११ बजे उपस्थित हुन प्रदेशसभाका सबै सदस्यलाई जानकारी गराइएको प्रदेशसभा सचिवालयका सचिव रञ्जित कुमार यादवले जानकारी दिए।
यसअघि प्रदेशसभाको सातौं अधिवेशनमा तीनवटा बैठक मात्र बसेको थियो। आठौं अधिवेशनमा भने प्रदेशको नाम र राजधानी तय गर्ने सरकारको तयारी रहेको बताइएको छ।