कांग्रेस महाधिवेशन : महामन्त्री खड्का महाधिवेशन प्रतिनिधिमा विजयी

नेपाली कांग्रेसका महामन्त्री पूर्णबहादुर खड्का महाधिवेशन प्रतिनिधिमा विजयी भएका छन्। कूल खसेको ८७४ मध्ये उनले ७३६ मत प्राप्त गरेका हुन्।

नेपाल समय | बुधबार, मंसिर ८, २०७८

नेपाल समय

बुधबार, मंसिर ८, २०७८

कांग्रेस महाधिवेशन : महामन्त्री खड्का महाधिवेशन प्रतिनिधिमा विजयी

काठमाडौं- नेपाली कांग्रेसका महामन्त्री पूर्णबहादुर खड्का महाधिवेशन प्रतिनिधिमा विजयी भएका छन्। कूल खसेको ८७४ मध्ये उनले ७३६ मत प्राप्त गरेका हुन्।

कांग्रेस पदाधिकारी तथा केन्द्रीय सदस्य मनोनित भएर जाने व्यवस्था विधानतः भए पनि कार्यकर्ताबाटै अनुमोदित भएर जाने इच्छा व्यक्त गर्दै महामन्त्री खड्काले सुर्खेत क्षेत्र नं १ बाट खुला पुरुषतर्फ महाधिवेशन प्रतिनिधिमा उम्मेदवारी दिएका थिए।

त्यस्तै उक्त क्षेत्रबाट सभापतिमा झकबहादुर डाँगीको प्यानल विजयी भएको निर्वाचन अधिकृत नारायण कँडेलले जानकारी दिएका छन्।

डाँगीले ७१९ मत प्राप्त गरेका छन्। उनका निकटतम् प्रतिद्वन्द्वी बलबहादुर वलीले १०३ मत प्राप्त गरे। त्यस्तै सचिवमा मोहन राना ७२० र पदमबहादुर खत्री ७१७ तथा सहसचिवमा प्रेमसिंह ठकुरी ६८४ र यामलाल पङ्गाली ६८७ मत प्राप्त गरी विजयी भएका छन्।

प्रकाशित: Nov 24, 2021| 11:20 बुधबार, मंसिर ८, २०७८