जनकपुर कांग्रेसको सभापतिमा मनोज साह निर्विरोध

जनकपुरधाम– नेपाली कांग्रेस जनकपुरधाम उपमहानगरपालिकाको नगर सभापतिमा मनोज साह निर्विरोध निर्वाचित भएका छन्। आइतबार सर्वसम्मत रूपमा साहलाई नगर सभापतिमा चयन गरिएको हो।

अरू पदमा भने सहमति हुन सकेको छैन। यद्यपि, नेताहरूले सहमतिको प्रयास जारी राखेका छन्। उपाध्यक्षमा दुई पदका लागि पाँचजनाको उमेदवारी परेको छ। राकेशविक्रम साह, राकेश यादव, पंकज महतो, दिनेश यादव र नरेश यादवले उपाध्यक्षमा उमेदवारी दिएका छन्।

निर्विरोध निर्वाचित साह नेपाली कांग्रेसका उपसभापति विमलेन्द्र निधि नजिकका हुन्।