प्रदेश २ : नेकपा एसका दुई मन्त्रीले लिए शपथ ग्रहण

जनकपुरधाम- प्रदेश २ का मुख्यमन्त्री लालबाबु राउतले मन्त्रीमण्डल विस्तार गरेका छन्। नेकपा एकीकृत समाजवादी पार्टीका दुई मन्त्रीलाई प्रदेश प्रमुख हरिशंकर मिश्रले शपथ ग्रहण गराएसँगै मन्त्रीमण्डल विस्तार भएको छ। 

 नेकपा एसका प्रदेश २ को संसदीय दलका नेता शुत्रधन महतोलाई उद्योग, पर्यटन, वन तथा वातावरण मन्त्री र प्रमोद यादवलाई कानुन, न्याय तथा प्रदेश मामिला मन्त्रीको रूपमा प्रदेश प्रमुख मिश्रले शपथ ग्रहण गराएका हुन्। 

नेकपा एसलाई सरकारमा सहभागी गराउन मुख्यमन्त्री लालबाबु राउतले जसपाकै उद्योग पर्यटन तथा वनमन्त्री राम नरेश रायलाई बर्खास्त गरेका थिए। 

यसअघि नेपाली कांग्रेस र माओवादी केन्द्रलाई सरकारमा सहभागी गराउन ज्ञानेन्द्र यादवले मन्त्री पदबाट राजीनामा दिएका थिए। अब प्रदेशमा चार दलीय गठबन्धनको सरकार बनेको छ। जसापको नेतृत्वमा कांग्रेस तीन र माओवादी केन्द्र एक मन्त्रालयसहित सरकारमा छ।