भूतप्रेतको डरले प्रहरीले अधिकारीले गरे आत्महत्या

काठमाडौं- तमिलनाडुको कल्लाकुरिची जिल्लाको पेरुंबक्कम इलाकामा अनौठो घटना घटेको छ। भारतीय सञ्चारमाध्यमका अनुसार उक्त इलाकामा कार्यरत एक प्रहरीले भूतप्रेतको डरले भन्दै आत्महत्या गरेका छन्।

कुड्डालोर सशस्त्र प्रहरीमा कार्यरत प्रभाकरण नामक प्रहरी अधिकारीले आत्महत्या गरेको बताइएको छ। ३३ वर्षीय प्रभाकरण बस्दै आएको विभागबाट प्राप्त सरकारी क्वार्टरमा मृत फेला परेका छन्। 

उनले विवाहसमेत गरेका छन्। उनका एक छोरा र एक छोरी छन्। प्रभाकरण पछिल्लो केही समय स्वास्थ्य सम्बन्धी समस्याबाट ग्रसित थिए। उनको उपचार पनि जारी थियो। 

आत्महत्या गर्नु भन्दा पहिले प्रभाकरणले एक महिलालाई सधैँ सपनामा देख्ने गरेको र आगोमा जलेकी एक महिलाले आफ्नो घाटी दबाउने कोसिस गरिरहेको हुने बताएका थिए। उनले आफ्नो सपनालाई परिवारका साथै साथीहरूलाई पनि भनेका थिए।

प्रभाकरणले ज्योतिषलाई सम्पर्क गर्दै सहयोग पनि मागेका थिए। उनले उपचारका लागि १५ दिनको बिदा पनि लिएका थिए। उनले आफ्नी श्रीमती र बच्चाहरूलाई मेलपट्टमबक्कसमा एक आफन्तको विवाह समारोहमा पठाएका थिए। सोही मौकामा उनले आत्महत्या गरेको बताइएको छ।

पत्नी घर फर्किदा प्रभाकरणलाई घरको कोठाको छतमा डोरीमा झुन्डिएर आत्महत्या गरेको अवस्थामा फेला पारेकी थिइन्। उनलाई कुड्डालोरको सरकारी अस्पताल लगिएकोमा चिकित्सकले मृत घोषणा गरेका थिए। 

कुड्डालोर न्यू टाउन पुलिसले आफूहरूले भूतप्रेतको डरले प्रभाकरले आत्महत्या गरेको सुनेको जनाएको छ। प्रहरीले घटनाबारे अनुसन्धान थालेको जनाएको छ।