पर्सा– पर्सा प्रहरीले हुन्डी कारोबारमा संलग्न एक व्यक्तिलाई २० लाख रुपैयाँसहित पक्राउ गरेको छ। पक्राउ पर्नेमा बाराको विश्रामपुर गाउँपालिका– ५ नवकटुवा बस्ने ३१ वर्षीय चन्दनकुमार साह छन्। हुन्डी कारोबार भइरहेको सूचनाका आधारमा पर्सा प्रहरीले वीरगन्जको घण्टाघरबाट आदर्शनगरतर्फ ना ४८ प ७६९१ नम्बरको मोटरसाइकलमा जाँदै गरेका साहलाई पक्राउ गरेको हो। उनको ब्यागबाट २० लाख रुपैयाँ बरामद गरिएको प्रहरीले जनाएको छ।
पक्राउ परेका साहविरुद्ध बैंक तथा वित्तीय ऐन सम्बन्धीको कसुरमा थप अनुसन्धान अगाडि बढाइएको जिल्ला प्रहरी कार्यालय पर्साका सूचना अधिकारी ओमप्रकाश खनालले बताए।