इरफानको कारवां ट्रेलर

काठमाडौं- इरफान खानको चलचित्र ‘कारवां’को ट्रेलर रिलिज भएको छ । यो सडक यात्रामाथि चलचित्र बनाउने उत्कृष्ट निर्देशक आकर्ष खुरानाले निर्देशन गरेको कमेडी चलचित्र हो।
  
ट्रेलरमा इरफानको साथसाथै दुल्किर सलमान र मिथिला पालकारलाई पनि फोकस गरिएको छ । तिनै पात्रबीचको कयौं दृश्य र संवादले भरपुर हँसाउने अपेक्षा गरिएको छ।

चलचित्रका केही संवाद आपत्तिजनक रहेको पनि बताइन्छ । संवादमा चल्तीको स्टारको नाम पाइन्छ। 

इरफान खान मार्चदेखि लण्डनमा ‘न्यूरोइडोक्राइन’ नामको गम्भीर बिरामीको उपचार गर्दै थिए। अस्पताल जानुअघि इरफान कारवांमा काम गर्दै थिए । यो चलचित्र ३ अगस्टमा रिलिज हुँदै छ । यस चलचित्रमा इरफान दुल्कीर र मिथिलाका साथै कृति खरबंदाको महत्वपूर्ण भूमिकामा देख्न पाइन्छ।
 
यो भन्दा पहिला ब्लैकमेल सिनेमाघरमा आएको थियो । इरफान ठिक भएर यो वर्षको अन्तिमतिर घर फर्किने भनिएको थियो।