यसपाली पनि वर्ल्डकप फाइनलमा वाका वाका नै बज्ने 

काठमाडौं-२०१८ को फीफा वर्ल्डकपको फाइनल अघि वाका वाका गीतको नै धुम मच्चिने छ ।  २०१० को वर्ल्डकपका लागि बनाइएको यो गीतले धेरैको मन जितेको थियो । यस्तो प्रकृतिको गीत अझैसम्म बन्न नसकेको गीतसंगीतका पारखीहरुले बताउने गरेका छन् । 

हरेक फिफा वर्ल्डकपभन्दा पहिला एउटा अफिसियल थीममा गीत रिलिज हुन्छ । वर्ल्डकपलाई लक्षित गर्दै धेरै गीत बनेका छन् । २०१८ वर्ल्डकपभन्दा पहिला पनि अमेरिकी सिंगर निकी जैमको अफिसियल गीत मइमा रिलिज भएको थियो । 

तर २०१० मा कोलम्बियन सिंगर शाकिराले गाएको 'वाका वाका' विश्वभरि चर्चा बटुल्न सफल गीत हो । 

यो गीतलाई युट्युवमा एक अर्ब ९० करोड पटक हेरिएको गीतको भिडियो विश्वका चर्चित गीतको २६ औं नम्बरमा पर्दछ । 

गीतको भिडियो हेर्नुहोस्

यूएस डिजे र राइटर डिप्लोद्धारा प्रोड्युस् 'लिव इट अप' अमेरिकी फिल्ममेकरसाथै र्‍याप स्टार विल स्मिथ र अल्बानियाई सिंगर एरा इस्ट्रेफीकोसाथमा निकी जैमद्धारा रेकर्ड गरिएको थियो । विडियोमा ब्राजिलका स्टार फुटबलर 'रोनाल्डिन्हो' पनि देखिएका छन् । 

एंथम ल्याटिन अमेरिकन धुन भएको कारणले यो विवादमा पनि परेको थियो । 'यसमा उनीहरूको पहिचान छैन' भन्दै शक्तिशाली देश रूसले आपत्ति पनि देखाएको थियो ।

२०१८ को फिफा वर्ल्डकप फाइनलभन्दा पहिला यही थिम गीतको लाइव पर्फमेन्स हुनेछ । यसवर्षको विश्वकप फाइनल जुलाइ १५ मा रुसको लुज्निकी स्टेडियममा हुनेछ ।