ईपीएल तालिका दोस्रो पटक संशोधन, काठमाडौं–भैरहवाको खेल १९ गते

काठमाडौं- एभरेस्ट प्रिमियर लिग (ईपीएल)को खेल तालिका तेस्रो पटक संशोधन भएको छ। प्रतिकुल मौसमको कारण खेल प्रभाभित भएपछि आयोजक ईपीएल प्रालिले खेल तालिका परिवर्तन गरेको हो।

यसअघि पनि एकपटक तालिका परिवर्तन भइसकेको छ। सुरुआति तालिकामा रहेको तीन खेलको समयमा मौसम खेलअनुकुल नभएपछि प्रतिस्पर्धा हुन सकेको थिएन।

त्यसमध्येको एक काठमाडौं र विराटनगरको खेल आज बिहानलाई सारिएको थियो। तर, आइतबार बिहानको कीर्तिपुरस्थिच त्रिभुवन विश्वविद्यालयको मैदान चिसो भएपछि साढे ९ बाट सुरु हुनुपर्ने खेल ११ बजेसम्म पनि सुरु भएको छैन।

त्यस्तै, अर्को सारिएको अर्कोमा चितवन टाइगर्स र भैरहवाको थियो। सो खेल भोली दिउँसो हुनेछ। तालिका संशोधन गरिएको अर्को खेल भने सोमबार दिउँसो हुनेछ। सो खेलमा पोखरा राइनोजले काठमाडौंको सामना गर्नेछ।

शनिबारको खेल समयमा पनि वर्षा भएपछि खेल रोकिएको थियो। काठमाडौं र भैरहवाको उक्त खेल असोज १९ गते दिउँसो हुनेछ।

त्यस्तै, असोज २० गतेबाट प्ले अफका खेल सुरु हुनेछ भने फाइनल खेल असोज २३ गते हुनेछ।