एमालेमा उपमहासचिव पद नराख्ने प्रस्ताव

लतिपुरमा जारी एमालेको विधान महाधिवेशनमा वितरण गरिएको विधान संशोधन प्रस्तावमा उपमहासचिव पद नरहने उल्लेख छ।

नेपाल समय | शुक्रबार, असोज १५, २०७८

नेपाल समय

शुक्रबार, असोज १५, २०७८

काठमाडौं– नेकपा एमालेमा अब उपमहासचिव पद नरहने भएको छ। लतिपुरमा जारी एमालेको विधान महाधिवेशनमा वितरण गरिएको विधान संशोधन प्रस्तावमा उपमहासचिव पद नरहने उल्लेख छ। नयाँ विधानअनुसार एमालेमा उपाध्यक्ष ५ जना र सचिव ६ जना रहने व्यवस्था गरिएको छ। यसअघि दुई जना उपमहासचिव थिए।

यस्तै यसअघि सात सचिव रहने व्यवस्था रहेकोमा अब ६ सचिव मात्रै रहनेछन्। नयाँ प्रस्तावमा अध्यक्ष १, उपाध्यक्ष ५, महासचिव १, सचिव ६ र सदस्य २१२ समेत गरी कुल २२५ सदस्यीय केन्द्रीय कमिटी रहने व्यवस्था गरिएको छ।

प्रदेश कमिटीका अध्यक्षहरूलाई केन्द्रीय कमिटीको पदेन सदस्य रहने व्यवस्था एमाले संशोधित विधानमा रहेको छ।

प्रकाशित: Oct 01, 2021| 14:04 शुक्रबार, असोज १५, २०७८