नकआउटमा पुग्‍न संघर्ष गर्दै ३ देश : स्पेन र पोर्चुगल सफल होलान् ?

एजेन्सी- विश्वकप फुटबल प्रतियोगिता अन्तर्गत आज सोमबारबाट समुह चरणको तेस्रो खेल सुरु हुँदैछ । नकआउट चरण प्रवेशको अन्तिम ढोका मानिने तेस्रो खेलमा आज ८ देश भिड्दै छन् ।  

आज हुने ४ खेलमा समुह ए र समुह बी मा रहेका देशबीच प्रतिस्प्रर्धा हुनेछ । समुह ए बाट नकआउट चरणमा प्रवेश गर्ने देशहरुको टुङ्गो लागिसकेकाले समुह बी रहेका ४ देशका लागि आजको खेल महत्वपूर्ण हुनेछ । 

आज हुने पहिलो खेलमा समुह ए मा रहेका उरुग्वे र रसिया भिड्नेछन् । समारा एरिना रंगशालामा नेपाली समयअनुसार बेलुका ७ः४५ मा हुने खेलबाट समूहको विजेता र उपविजेताको टुंगो लाग्नेछ । यी दुबै टोली अन्तिम १६ मा प्रवेश गरिसकेका छन् । 

समुह ए मा नै रहेका साउदी अरब र इजिप्टबीचको खेल पनि आजै हुदैछ । यी दुई टोलीको खेल पनि नेपाली समयअनुसार बेलुका ७ः४५ मा नै सुरु हुनेछ । दुवै राष्ट्र प्रतियोगिताबाट बाहिरिसकेकाले यो खेल प्रतिष्ठाको लडाइ मात्र हुनेछ ।
 
साउदी अरब पहिलो खेलमा आयोजक रूससँग ५–० तथा दोस्रो खेलमा उरुग्वेसँग १–० ले पराजित भएको थियो । इजिप्ट भने पहिलो खेलमा उरुग्वेसँग १–० र रसियासँग ३–१ ले स्तब्ध भएको थियो ।   

रोचक मानिएको समुह बी को आज हुने खेलले भने नकआउट चरणमा प्रवेश गर्ने टिमको टुङ्गो लगाउने छ । नेपाली समयअनुसार राती ११ः४५ मा चारै टोलीको खेल हुने छ  । 

मोर्डोभिया एरिना सारांस्क रंगशालामा पोर्चुगल र इरान आमने हुँदा कालिनिन्गराड रंगशालामा स्पेन र मोरक्को भिड्ने छन् ।

 समुहबाट इरान बाहिरी सकेको छ भने मोरक्को, पोर्चुगल र स्पेन अघिल्लो चरण प्रवेशको होडमा छन् । आजको खेलबाट एक टोली बाहिरीने छ भने दुई राष्ट्र अघिल्लो चरण प्रवेश गर्नेछन् । 

एक खेल बरारबी र एक खेलमा जित हात पारेका पोर्चुगल र स्पेन दुबैको समान ४ अंक छ । मोरक्कोले भने एक खेलमा जित र एक खेलमा हार बेहोर्दै ३ अंक बलुटेको  छ । दुई खेल गुमाएको इरानले आफ्नो खातामा एक अंक पनि जोड्न सकेको छैन् ।