पानामाले फर्कायो जवाफी एक गोल 

काठमाडौं-इंग्ल्याण्डविरुद्धको खेलमा पानामाले एक गोल फर्काएको छ । आइतबारको खेलमा लगातार दबाबमा रहेको पानामाले खेलको उत्तरार्धमा एक गोल गरेको छ । 

पानामाका फिलिप बालोए पहिलो गोल गरेका छन् । उनको एक गोलसँगै इंग्ल्याण्ड ६–१ को अग्रतामा छ । यसअघि लगातार ६ गोल गरेको इंग्ल्याण्डका तर्फबाट कप्तान केनले ह्याट्रिक गरेका छन् । 

उनको ह्याट्रिकसँगै इंग्ल्याण्डले ६ गोलको अग्रता लिएको छ । दबाबमा परेको पानामा विरुद्ध इंग्ल्याण्डले पहिलो हाफ सकिँदा पाँच गोल गरेको थियो । 

खेलको आठौ मिनेटमा पहिलो गोल गरेका जे स्टोन्सको अग्रतालाई दोब्बर बनाउँदै टोलीका कप्तान केनले पेनाल्टी मार्फत गोल अन्तरलाई दोब्बर बनाएका थिए । 

त्यसपछि खेलको ३६ औ मिनेटमा लिंगाले तेस्रो गोल गरेका थिए । खेलको ३९ औ मिनेटमा फेरि स्टोन्सले दोस्रो गोल गर्दै दुई टीमबीचको अन्तर चार शुन्य बनाएको थियो । 

त्यसपछि पाएको पेनाल्टीमा फेरि कप्तान केनले पाँचौ गोल गरे । दोस्रो हाफको खेल शुरु भएपनि पनि केनले अर्को गोल गरेका थिए ।