मेक्सिकोसंग पराजित कोरिया समुहचरणबाटै बाहिरियो

एजेन्सी- लगातार दुई खेलमा पराजित भएसंगै एसियाली टोली दक्षिण कोरिया समूह चरणबाटै बहिरिएको छ ।

शनिबार राती भएको खेलमा मेक्सिकोसँग २–१ ले पराजित भएसंगै कोरिया समुह चरणबाटै बारिहएको हो । 

यसअघि पहिलो खेलमा कोरिया स्वीडेनसंग १–० ले पराजित भएको थियो । पहिलो खेलमा जर्मनीलाई हराएको मेक्सिकोले दोस्रो खेलमा कोरियामाथि सहज जित हात पार्यो ।

खेलको  पहिलो ६औं मिनेटमा कार्लोस भेलाको पेनाल्टी गोलमार्फत मेक्सिकोले अग्रता लिएको थियो ।  दक्षिण कोरियाली डिफेण्डरले डिबक्सभित्र ह्याण्ड गरेपछि मेक्सिकोले पेनाल्टी पाएको थियो ।

दोस्रो हाफमा मेक्सिकोको अर्को एक थोल थप्यो । जाभियर हर्नाण्डेजले ६६औं मिनेटमा लोजानोको पासमा गोल गरे ।

खेलको इन्ज्यूरी समयमा दक्षिण कोरियाले १ गोल फर्काए पनि त्यो जितका लागि प्रयाप्त बनेन । दक्षिण कोरियाका लागि सान्तावना गोल सोन हेउनमिनले गरेका थिए । 

यो हारसंगै कोरिया समुह चरणबाटै घर फर्किने निश्चित भएको छ भने मेक्सिको विजयी भएसंगै नकआउट चरणमा प्रवेश गर्ने सम्भावना बलियो भएको छ ।