अन्तिम मिनेटमा गरेको गोलले जोगियो जर्मनी 

एजेन्सी- विश्वकप फुटबल प्रतियोगिता अन्तर्गत जारी समुहचराणको खेलमा जर्मनीले रोमान्चक जित हात पारेको छ । खेलको अन्तिम मिनेटमा गोल गर्दे जर्मनीले स्वीडेनलाई २-१ गेलअन्तरले हराएको हो । 

१-१ गोलको बराबरीमा रहेको खेलमा निर्धारित समय सकिएपछि थपिएको ५ मिनेटको पाँचौ मिनेटमा जर्मनीले गोल गरेको थियो । जर्मनीका लागि अन्तिम समयमा टोनी क्रुसले गोल गरेका हुन् । उनी जर्मनीको जितमा नायक बने । 

स्वीडेनका लागि ओआए टोइभोनेनले गोल ३२ औँ मिनेटमा गोल गरेर जर्मनीलाई दबाबमा राखेका थिए । जसको जवाफमा जर्मनीका मार्को रुइसले ४८ औँ मिनेटमा बराबरी गोल फर्काएका थिए ।

निर्धारित समयसम्म बराबरी रहेको खेललाई थपिएको पाँचौ मिनेटमा गोल गर्दै टोनी क्रुसले जर्मनीको  अघिल्लो चरण प्रवेशको बाटो बलियो बनाए । 

जर्मनीले २ खेलमा १ खेलमा हार र एक खेलमा जित हात पार्दै ३ अंक भएको छ । त्यस्तै, स्वीडेनको पनि समान ३ अंक रहेको छ । अब नकआउट चरणमा पुग्नका लागि जर्मनीले दक्षिण कोरियालाई पराजित गर्नै पर्ने हुन्छ ।

यता, स्वीडेनले अन्तिम खेल मेक्सिकोसँग खेल्दैछ । मेक्सिकोलाई स्वीडेनले पराजित गरेमा नकआउट चरणमा जाने सम्भावना कायमै हुन्छ । यस्तो अवस्थामा मेक्सिको, जर्मनी र स्वीडेनको समान ६–६ अंक हुनेछ ।