बेल्जियमसँग ट्‍युनिसिया ५-२ गोलले पराजित

रुस- फिफा विश्वकप अर्न्तगत शनिबार भएको पहिलो खेलमा बेल्जियमले ट्युनिसियाविरुद्ध शानदार जित हात पारेको छ । मस्कोस्थित स्पार्टक रंगशालामा भएको खेलमा बेल्जियमले ट्युनिसियालाई ५ - २ गोल अन्तरले पराजित गरेको हो ।

खेलमा बेल्जियमले पेनाल्टी गोलबाट सुरुवाती अग्रता बनाएको थियो । बेल्जियमका इडेन हाजार्डले खेलको सातौं मिनेटमा पेनाल्टीमा गोल गरे । ट्युनिसिया बेन युसुफले आफ्नो पेनाल्टी क्षेत्रमा हाजार्डलाई लडाएपछि बेल्जियमले पेनाल्टी अवसर पाएको हो । जसमा हाजार्डले सहजै गोल गरे ।

खेलको १६ औं मिनेटमा रोमेलु लुकाकुले गोल गर्दै बेल्जियमलाई २ - ० को अग्रता दिलाए ।  खेलको १८ औं मिनेटमा डेलन ब्रोनले ट्युनिसियाका लागि एक गोल गर्दै खेल २ - १ मा ल्याएका थिए । तर, पहिलो हाफको इन्जुरी समयमा लुकाकुले व्यक्तिगत दोस्रो गोल गर्दै बेल्जियमलाई ३ - १ को अग्रता दिलाएका थिए । जारी विश्वकपमा लुकाकुको यो चौथो गोल हो  ।

पहिलो हाफमा ३ - १ ले अग्रता बनाएको बेल्जियमले दोस्रो हाफमा थप एक गोल गर्यो । खेलको ५१ औं मिनेटमा हाजार्डले व्यक्तिगत दोस्रो गोल गर्दै बेल्जियमलाई ४ - १ को अग्रता दिलाएका हुन् ।