मुसाको दुर्इ गोलले नाइजेरियाको सानदार जित

काठमाडौं- आइसल्याण्डमाथि महत्वपूर्ण जितसँगै नाइजेरियाले विश्वकपको नकआउट चरण पुग्ने सम्भावना कायम राखेको छ । शुक्रबार राति भएको खेलमा दुर्इ गोल गर्दै नाइजेरियाले आइसल्याण्डलार्इ रुस विश्वकपमा पहिलो हार दिलाएको छ ।

नाइजेरियाको जितका लागि अहमद मुसाले दुई गोल गरेका थिए । आइसल्याण्डका गेल्फी सिगुडसन पेनाल्टीमा चुक्दा आइसल्याण्ड नाइजेरियाको गोल अन्तर २-० भयो ।  

प्रतियोगिता अन्तर्गत गोलरहित बराबरीमा सकिएको पहिलो हाफ निक्कै प्रतिष्पर्धात्मक भएको थियो । दोस्रो हाफको शुरुमै गोल गरेका मुसाले नाइजेरियालार्इ अग्रता दिलाए । खेलमा ७५ औं मिनेटमा मुसाकै दोसो गोलले नाइजेरियालाई महत्वपूर्ण जित दिलायो ।

खेलको अन्त्यतिर भीएआरमार्फत आयसल्याण्डले पाएको पेनाल्टी सदुपयोग गर्न सकेन । सेगुडसनको प्रहारले जाली चुम्न नसकेपछि २-० को नतिजासँगै खेल सकियो ।

अब समूह चरणको अन्तिम खेलले नकआउट चरणमा पुग्ने दोस्रो टोलीको टुंगो लाग्नेछ ।

६ अंक बटुलेको क्रोएसिया अन्तिम १६ मा पुगिसकेको छ । नाइजेरियाको ३ तथा आइसल्याण्ड र अर्जेन्टिनाको समान १-१ अंक छ ।
अब नाइजेरिया र अर्जेन्टिना तथा क्रोएसिया र आइसल्याण्ड खेल्नेछन् ।