युरोकपको सर्वोत्कृष्ट खेलाडी डोनारुमा पीएसजीमा अनुबन्ध

काठमाडौं- युरोकप विजेता इटालीका गोलकिपर जियनलुइजी डोनारुमा पेरिस सेन्ट जर्मन (पीएसजी) मा अनुबन्ध भएका छन्। उनी फ्रि ट्रान्सफरमार्फत् पीएसजीमा अनुबन्ध भएका हुन्।

इटालीको टिमबाट उत्कृष्ट प्रदर्शन गर्दै युरोकपको उपाधि जितेका डोनारुमा यसअघि एसी मिलानमा थिए। २०१५ मा सिनियर टिमबाट सिरी 'ए'मा डेब्यू गरेका उनले एक सुपरकोपा इटालिया जिते। छ सिजन एसी मिलानमा बिताएका डोनारुमाले त्यहाँ पनि उत्कृष्ट प्रदर्शन गर्दै आएका छन्।

उनले इटालीको सिनियर टिममा भने २०१६ मा डेब्यू गरेका थिए। त्यसअघि उनले यू १५, यू १६, यू १७ र यू २१ मा पनि खेलिसकेका छन्। २२ वर्षे गोलकिपरलाई ओलम्पिक टिममा भने अझैसम्मअ अवसर छ।

उनले इटालीको टिमबाट पछिल्लो समयमा लगातार १० खेलमा क्लिन सिट राखेका थिए।

पीएसजीले यसअघि रियल मड्रिडका अुनभवी डिफेन्डर सर्जियो रामोसलाई पनि पीएसजीमा अनुबन्ध गरेको थियो।