कोपा अमेरिका र युरोकप विजेताबीच ‘म्याराडोना सुपर कप’ को तयारी

काठमाडौं- अर्जेन्टिनाका पूर्व राष्ट्रिय खेलाडी डिएगो म्याराडोनाको सम्झनामा सुपर कप हुने भएको छ। कोपा अमेरिकाको विजेता र युरोकपको विजेताबीच प्रतियोगिताको गर्न दुवै देशका महादेशीय फुटबल संघले तयारी थालेका हुन्।

तर खेलाडीहरूको व्यस्त तालिकाबीच अहिले युरोपेली फुटबलको सर्वोच्च निकाय यूईएफए र दक्षिण अमेरिकी फुटबलको सर्वोच्च निकाय कोनम्बलले सहज हुने मिति छनोट गर्ने तयारी गरिरहेका छन्।

गएको आइतबार सम्पन्न कोपा अमेरिकाको फाइनलमा ब्राजिललाई घरेलु मैदानमा हराउँदै अर्जेन्टिना विजयी भएको थियो। त्यस्तै, आइतबार राति इङ्ल्यान्डमा भएको युरोकप फाइनलमा घरेलु टिमलाई हराउँदै इटाली विजेता भएको थियो।

त्यसैले अर्जेन्टिना र इटालीबीच म्याराडोना सुपर कपको तयारी गरिएको हो। अर्जेन्टिनाको ओले नामक एक पत्रिकाले यो प्रतियोगिताको विचार बाहिर ल्याएको थियो। तर, अहिलेसम्म प्रतियोगिता हुने वा नहुनेबारे टुंगो भने लागिसकेको छैन।

इटालीको इन्टर मिलानमा म्याराडोनाले पाँच वर्ष विताएका थिए। र, गएको मंसिरमा ६० वर्षको उमेरमा उनको निधन भएको थियो।

‘के तपाई अमेरिका र युरोपको च्याम्पियन्सबीच सुपर कपको विचार गर्न चहानुहुन्छ? ‘नम्बर १०’ का लागि त्योभन्दा राम्रो श्रद्धाञ्जली के हुनसक्छ?’ ओलेले लेखेको छ।