थपिएको समय ब्राजिलका लागि उपहार, कोस्टारिका २-० ले पराजित

रुस- थपिएको समयमा ब्राजिलका लागि उपहार सावित भएको छ । थप गरिएको छ मिनेटमा गरेको दुर्इ गोलले कोस्टारिका पराजित भएको हो। 

खेलको ९० मिनेटसम्म गोलरहित बराबरी खेलेपनि थपिएको ६ मिनेटमध्ये ब्राजीलका लागि फिलीप काउन्टिनोले सुरुवाती गोल गर भने अन्तिम मिनेटमा नेयमारले दोस्रो गोल गरेका हुन्। 

समुह ‘ई’ को खेलमा ब्राजिलले दुवै गोल थप गरिएको समयमा गरेको हो । ब्राजिलको जितमा नेयमारले खेल सकिन केही सेकेन्ड बाँकी रहँदा गोल गरे । त्यस्तै, ब्राजिलका लागि फिलिपे कौन्टिन्होले खेलको ९१ मिनेटमा गोल गरे । ब्राजिलले सुरुवाती समयदेखि नै बल नियन्त्रणमा लिएको थियो ।

एकपछि अर्को प्रहार गरेको ब्राजिलले राम्रो अवसर पाएपनि थप गोल गर्न सकेन । कोस्टारिका गोलकिपर केयलोर नभासले उत्कृष्ट बचाउ गरेका थिए । पहिलो हाफको मध्य समयतिर नेयमारले वान भर्सेस वानमा गोल गर्ने अवसर पाएका थिए । तर, उनी चुके ।

ब्राजिलका फरवार्ड नेयमारले ४ पटक कोष्टारिकाको पोष्ट नजिकैबाट फ्रि किक प्रहार गरेका थिए । तर, उनको फ्रि किक सशक्त हुन सकेन । पहिलो हाफसम्म दुबै टिमले बराबरी खेल खेलेका थिए ।

खेलको ५० औं मिनेटमा ब्राजिलले गोल गर्ने सुन्दर मौका खेर फालेको थियो ।