काठमाडौंमा खुल्याे कौशी थियटर

काठमाडौं- राजधानीको टेकुमा थप नयाँ नाटक घर खुलेको छ । महिला रङकर्मीहरूको सहभागितामा कथा घेराको कौशी थियटर खुलेको हो । 

असार ७ गते उद्घाटन गरिएको कौशी थियटर रंगमञ्चमा विशेष महत्व राख्ने रंगकर्मीहरू बताउछन् । कुनै समय महिला कलाकारको अभावमा पुरुष कलाकारलाई महिला आर्टिस्ट बनाएर मञ्चमा उतारिन्थ्यो । 

यस्तैमा महिला नाट्कर्मी लेखक तथा निर्देशक नभएका थप गुनासो सुुन्नमा पाइन्छ । यसै अभावलाई चिर्दै महिला महिला रंगकर्मीहरूकै नेतृत्वमा नया नाटकघर एउटा विशेष उपलब्धी रहेको देखिन्छ । 

आकंक्षा कार्की र गुन्जन दिक्षित जस्ता थियटर आर्टिस्टको पहलमा निर्माण गरिएको कौसी थियटरले अब निरन्तर नाटक प्रदर्शनमा ल्याउने छ । राजधानीमा सर्वनाम पनि आफ्नै जग्गामा बनेको दोस्रो नाटक घर हो । 

नेपाली समाजमा अझैपनि नाटकमा लाग्दा पारिवारिक तनाब झेल्नु पर्ने अवस्था छ । यस्तोमा महिलाहरूलाई अझ स्पेश कम छ । यस्तोमा अभिभावक अरुणा कार्की र सन्तोष कार्कीको जति प्रशंसा गरेपनि कम हुन्छ ।


८ गतेदेखि आंकक्षा कार्कीको निर्देशनमा नाटक ‘दयालु रूख’को कौसी नाटकघरमा नियमित मञ्चन हुदैछ ।