अब निजी अस्पतालमा कोरोना संक्रमितको नि:शुल्क उपचार नहुने

सरकारले अबदेखि निजी अस्पतालमा गरिएका कोरोना संक्रमितको उपचारको सोधभर्ना नगर्ने जनाएका छ।

नेपाल समय | बुधबार, असार ९, २०७८

नेपाल समय

बुधबार, असार ९, २०७८

अब निजी अस्पतालमा कोरोना संक्रमितको नि:शुल्क उपचार नहुने

काठमाडौं– सरकारले अबदेखि निजी अस्पतालमा गरिएका कोरोना संक्रमितको उपचारको सोधभर्ना नगर्ने जनाएका छ। स्वास्थ्य तथा जनसंख्या मन्त्रालयले एक सूचना जारी गर्दै संक्रमणको नि:शुल्क उपचारका हुने गरेको निजी अस्पतालहरूमा अब सरकारले सोधभर्ना नगर्ने जनाएको छ।

सरकारले कोरोना उपचारका लागि निजी बाहेक सरकारी अस्पतालहरू, स्वास्थ्य प्रतिष्ठानहरु र मेडिकल कलेजहरुमा भने कोभिड–१९ को उपचारको सोधभर्ना गरिने जनाएको छ।

हालसम्म सरकारले निजीसहित देशभरका ८६ अस्पतालहरुलाई कोरोना संक्रमितको उपचारबापत खर्च उपलब्ध गराउँदै आएको थियो।

असार ८ गतेसम्म भर्ना भई उपचाररत संक्रमितको १८ गतेसम्मको मात्रै नियमअनुसार सोधभर्ना गर्ने स्वास्थ्य मन्त्रालयले जनाएको छ। निजी अस्पतालहरूलाई सरकारले तोकिएको दररेटभन्दा बढी शुल्न नलिन पनि निर्देशन दिइएको छ।