कोभिड-१९ खोप लाउनेलाई १६ करोडको फ्ल्याट!

कोरोना भाइरसको महामारी रोकथाम तथा नियन्त्रणका लागि खोप आवश्यक रहेको र सर्वसाधारणलाई खोपप्रति आकर्षित गर्न यस्तो अफर ल्याइएको हो।

नेपाल समय | आइतबार, जेठ १६, २०७८

नेपाल समय

आइतबार, जेठ १६, २०७८

हङकङ- हङकङमा कोरोना भाइरसविरुद्धको खोपप्रति आर्कषित गर्न करिब १६ करोड मूल्य पर्ने फ्ल्याट दिइने घोषणा गरिएको छ। सरकारले चिठ्ठा प्रणालीमार्फत् १६ करोड (१४ लाख अमेरिकी डलर)को फ्ल्याट दिने घोषणा गरेको साउथ चाइना मर्निङ पोस्टले समाचार प्रकाशन गरेको छ।

सिनो ग्रुपको एनजी टेक फोङ च्यारिटेबल फाउन्डेसनसँगको सहकार्यमा चीनको स्टेट होल्डिङ लिमिटेडले फ्ल्याट दिने घोषणा गरेको हो।

यो चिठ्ठा प्रणालीमा भाग लिन दुवै चरणको खोप लगाएको व्यक्ति हुनुपर्ने छ। विजेताले ४४९ वर्ग फिट क्षेत्रफलमा फैलिएको फ्ल्याट पाउने छन्।

हङकङको कुल जनसंख्याको १२.६ प्रतिशतले मात्रै कोभिड–१९ विरुद्धको खोप लगाएका छन। यहाँको जनसंख्या करिब ७५ लाख छ।

प्रकाशित: May 30, 2021| 14:27 आइतबार, जेठ १६, २०७८