४ नक्कली प्रहरी कास्की प्रहरीको खोरमा 

काठमाडौं- सादा पोशाकका प्रहरी भनेर दोहोरी सांझमा धम्काउने ४ जनालाई जिल्ला प्रहरी कार्यालय कास्कीले पक्राउ गरेको छ । रात्रीकालिन चेकिङ गर्ने क्रममा कास्की प्रहरीले उनिहरुलाई पक्राउ गरेको हो ।  

कास्की प्रहरीको कमाण्ड सम्हालेदेखि नै  एसपी ओमबहादुर राना रात्रीकालिन चेकिङमा खटिदै आएका छन् । मंगलबार राती १० बजेको समयमा पोखराको सिर्जनाचोक स्थित बिसौनी दोहोरी सांझमा मादक पदार्थ सेवन गरी आफुहरु सादा पोशाकको प्रहरी हौ भनी धम्काएर भाग्ने क्रममा उनीहरुलाई पक्राउ  गरिएको हो । 

पक्राउ पर्नेहरुमा कास्की धिताल का भुपेन्द्र गौतम, कास्कीकोटका शेषमणी गौतम, धितालकै सुवास गौतम र नवलपरासी घर भइ पोखरा बस्दै आएका सुदिप लम्साल रहेका छन । पक्राउ परेका चार जनालाई जिल्ला प्रहरी कार्यालयमा राखी थप अनुसन्धान जारी रहेको कास्की प्रहरी प्रमुख रानाले वताए ।