दाताको खर्चमा हुने प्रशिक्षणप्रति सांसद्को आपत्ति

काठमाडौं- संसद् सचिवालयले संसदीय प्रक्रियाबारे जानकारी गराउन बुधबार (आज) बाट संघिय संसद्का ३ सय ३४ सांसदलाई प्रशिक्षण दिँदैछ ।

सचिवालयले सरकारी बजेट थन्क्याएर राष्ट्रसंघिय विकास कार्यक्रम (यूएनडीपी) को लगानीमा आजबाट दुईदिने प्रशिक्षण सुरु गर्न लागेको हो । 

प्रशिक्षणमा प्रतिनिधिसभा र राष्ट्रिय सभाका सबै सांसद्लाई सहभागी गराउने जनाइएको छ । तर, दाताको खर्चमा प्रशिक्षण सञ्चालन गर्न लागिएको भन्दै सांसदहरुले असन्तुष्टी जनाएका छन् । 

अपारदर्शी र सरकारको नियन्त्रणबाहिर रहेका संस्थाहरुले आयोजना गर्ने कार्यक्रमको औचित्य नहुने भन्दै सांसद्हरुले गुनासो गरेका छन् । राष्ट्रियसभाका सदस्य रामनारायण विडारीले मागेर काम गर्नु ठिक नभएको भन्दै नेपाल समयसंग असन्तुष्टि जनाए । 

तर सचिवालयले भने यूएनडीपीसँग यसअघि पनि सहकार्य हुँदै आएको र यसपटक पनि नियमित कार्यक्रम अन्तर्गत नै तालिम आयोजना गरिएको जनाएको छ । तालिम ९ बजेपछि सुरु हुँदैछ ।