सैनिक मुख्यालयमा किन पुगे प्रधानन्यायाधीश ?

काठमाडौं- कायम मुकायम प्रधान्यायाधीश दीपकराज जोशी सोमबार जंगीअड्डा पुगेका छन् । 

जंगीअड्डास्थित कानुनी मामिला हेर्ने नेपाली सेनाको प्राड विभागको निरीक्षण गर्न भन्दै उनी सैनिक मुख्यालय पुगेका हुन् । 

जंगी अड्डा पुगेका जोशीले सैनिक विशेष अदालत र सैनिक न्याय प्रणालीमा महत्वपूर्ण भूमिका रहने सेना प्राड विभागको निरिक्षण गर्दै न्यायीक र व्यवस्थापकीय विषयमा निर्देशन दिएका हुन् । 

प्रधानन्यायाधीशको स्वागतका गर्दै सेना प्राड विभाग तथा सैनिक अदालतबाट प्रस्तुतीकरण गरेको थियो । 

निरिक्षण कार्यक्रममा प्रधानसेनापति महारथी राजेन्द्र क्षत्री, रक्षा सचिव विष्णु प्रसाद लम्साल तथा नेपाली सेनाका उच्च अधिकारीहरुको सहभागीता रहेको थियो ।