टी २० सिरिजमा नेपाल र मलेसिया भिड्दै

काठमाडौं – कमजोर मानिएको मलेसियासँग २०७६ को फागुनमा खेलेयता नेपालले उसँग टी–२० खेलेको छैन्।

एसीसी इस्टर्न रिजनको एक खेलमा नेपालले मलेसियसँग २२ रनको हार बेहोरेको थियो। आज नेपाललाई त्यो हारको बदला लिने अवसर छ।

किनभने नेपालले आमन्त्रण गरेको ट्राई नेसन्स टी–२० सिरिजअन्तर्गत त्रिवुभन विश्वविद्यालयको क्रिकेट मैदानमा आज फेरि यी दुई टिम भिड्दैछन्।

दिउँसो सवा १ बजेबाट सुरु हुने प्रतियोगितामा नेपाल दोस्रो जितको खोजिमा हुनेछ भने पहिलो खेलमा हार बेहोरको मलेसिया पहिलो जितको खोजिमा हुनेछ।

आईसीसी टी–२० बरियतामा ३ औं स्थानको मलेसियाले पछिल्लो समय निकै राम्रो प्रस्तुति दिँदै आएको छ। उसले पछिल्ला तीन खेल हारे पनि त्यसअघिका तीन खेलमा आफूभन्दा बलिया टिमलाई समेत हराएको थियो।

यसकारण मलेसियालाई हराउन आज नेपाललाई ठूलो चुनौति हुनेछ। यता घरेलु मैदान र समर्थकको फाइँदा लिइरहेको नेपालले यो लिगमा राम्रो गरे पनि यसअघिको लिगमा खराब प्रदर्शन गरेको थियो।

थाइल्यान्डमा सम्पन्न एसीसी इस्टन रिजनमा नेपालले तीन हार र एकमात्र जित निकालेको थियो। यसकारण नेपालले पछिल्ला पाँच खेलमा दुई जित र तीन हार बेहोरेको छ।

त्यसअघि नेपालकोले १३औं दक्षिण एसियाली खेलकुदमा भने तीन जित निकालेको थियो।

मलेसियाको पनि अवस्था उस्तै छ। उसले पछिल्ला पाँच खेलमा दुई जित र तीन हार बेहोरेको छ। तर, मलेसियाले त्यसअघि हङकङविरुद्ध खेलेको पाँच खेलको सिरिज क्लिन स्विप गरेको थियो।

त्यस्तै, नेपाल र मेसियाबीच आठ टी–२० (चार टी–२० र चार टी–२० आई) खेल भएका छन्। त्यसमा नेपालले ६ खेलमा जित निकालेको छ भने दुई खेलमा मलेसिया हाबी भएको थियो।