पाल्पा–बुटवल सडक दिउँसो ४ बजेपछि खुल्ने

पाल्पा– सिद्धार्थ राजमार्ग अन्तरर्गत पर्ने पाल्पा–बुटवल सडकखण्ड दिउँसो ४ बजे पछि मात्रै खुल्ने भएको छ । शुक्रबार पहिरो गएपछि खुलेको सडक पुनः मर्मत गर्नका लागि दिउँसो ४ बजेसम्म बन्द गरिएको हो । 

बिहान १० बजेबाट सडक बन्द गरेर मर्मतको काम भइरहेको सडक डिभिजन कार्यालयका सूचना अधिकारी इन्जिनियर पवित्रमणि आचार्यले जानकारी दिए ।

सिद्धबाबा सडकखण्डको तिनाउँ गाउँपालिका–३ हेडबक्स दोभान क्षेत्रमा सामान्य वर्षा हुँदा समेत पहिरो जान थालेकाले गाडी बन्द गरेर नै पहिरो पन्छाउने र पर्खाल लगाउने काम गर्न थालिएको उनले बताए । 

सामान्उ वर्षामा समेत पहिरो जान थालेपछि पाल्पा हुँदै गुल्मी, अर्घाखाँची, स्याङ्जा, पोखरा, पर्वत, बाग्लुङ हिँडेका सवारीसाधन र यात्रु बिच बाटोमै अलपत्र पर्ने गरेका छन् ।