एभर्टन बराबरीमा रोकियो, उल्भ्स वेस्ट हामसँग पराजित

काठमाडौं– इंग्लिस प्रिमियर लिग (ईपीएल)अन्तर्गत सोमबार राति सम्पन्न खेलमा एभर्टन क्रिस्टल प्यालेससँग बराबरीमा रोकिएको छ।

एभर्टनको घरेलु मैदानमा सम्पन्न खेलमा उसले पाहुना टिम क्रिस्टलसँग १–१ गोलको बारबरीमा रोकिएको हो।

पहिलो हाफ गोलरहित बराबरी भएको खेलको दोस्रो हाफको ५६ औं मिनेटमा गोल गर्दै हामेस रोड्रिग्वेजले एभर्टनलाई अग्रता दिलाएका थिए। तर निर्धारित समयको केही मिनेटअघि क्रिस्टलका मिक्ची बाट्स्हुयाईले गोल गरेपछि खेल बराबरीमा आएको थियो।

बराबरीसँगै एभर्टनले ४७ अंक बनाएको छ भने क्रिस्टल प्यालेसले ३८ अंक बनाएको छ। यी क्लब क्रमशः आठौं र १२ औं स्थानमा छ।

त्यस्तै गएरातिकै अर्को खेलमा उल्भ्सले घरेलु मैदानमा वेस्टहामसँग ३–२ गोलको हार बेहोरेको छ। वेस्ट हामले सुरुवाती ३८ मिनेटमै ३–० गोलको अग्रता बनाए पनि उल्भ्सले पहिलो हाफको अन्तिम मिनेट र दोस्रो हाफमा गोल गर्दै अग्रता घटाएको थियो।

अग्रता घटाए पनि खेलमा जित निकाल्न भने सकेन। यता विजयी वेस्ट हाम ५२ अंकका साथ ईपीएलको चौथो स्थानमा उक्लिएको छ।