महिला भलिबलमा भरतपुर र एपीएफको जित

काठमाडौं- पाँचौ एनभीए राष्ट्रिय महिला क्लब भलिबल लिगमा भरपुर महानगरले पहिलो जित निकालेको छ। लिगको चौथो खेल खेलेको भरपुरले अन्तिम खेलमा सहभागी बनेको ढोरपाटनलाई हराउँदै जित निकालको हो।

भरतपुरले ढोरपाटनलाई ३–० को सोझो सेटमा पराजित भयो। पहिलो सेटमा २५–२१ को हार बेहोरेको ढोरपाटनले दोस्रो सटमा १२ अंक बनाउँदा भरतपुरले निर्धारित २५ अंक पुरा गरेको थियो।
त्यस्तै, तेस्रो सेटमा पनि ढोरपाटन १२ अंकले पछि पर्दै खेलमा पराजित भयो। अन्तिम सेटमा भरतपुरले २५ अंक बनाउँदा ढोरपाटनले १३ अंक मात्र बनाउन सक्यो।

भरतपुरले पहिलो जितसहित लिगमा ती अंक जोडेको छ। उसले अन्तिम खेलमा भोलि(मंगलबार) एपीएफको सामना गर्नेछ।
त्यस्तै, आजको दोस्रो खेलमा आर्मीमाथि विभागीय डर्बी एपीएफले ३–१ को पुनरागमन जित निकालेको छ। पहिलो सेटमा आर्मीले २५–१९ को जित निकाले पनि बाँकी सेट एपीएफले जित्यो।

२५–१० को सेटमा दोस्रो जित निकालेको एपीएफले तेस्रो र चौथो सेट २५–१७ र २५–२२ ले जितेको थियो।
यो जितसँगै एपीएफले तीन खेलबाट सात अंक जोडेको छ। हारपछि पनि आर्मीको ८ अंक छ।