ललितपुर मेयर–११ को पहिलो जित

काठमाडौं– ललितपुर मेयर कप महिला टी–२० क्रिकेटअन्तर्गत आज (आइतबार) सम्पन्न खेलमा मेयर–११ टिमले लुम्बिनी प्रदेशलाई २७ रनले हराएको छ।

कीर्तिपुरस्थित त्रिवि क्रिकेट मैदानमा टस जितेर ब्याटिङ रोजेको मेयर ११ ले पूरा ओभर खेल्दै पाँच विकेटको क्षतिमा १४४ रन बनाएको थियो।

जवाफी ब्याटिङमा लुम्बिनीले पूरा ओभर खेल्दै पाँच विकेट गुमाएर ११७ रनमा समेटिएपछि खेल मेयर ११ ले जितेको हो।

पहिले ब्याटिङमा लुम्बिनीकी सुमन खतिवडाले ७७ रन जोडिन् भने अस्मिना कर्माचार्यले २० रन बनाइन्। उनीहरु दुवै खेलाडी अविजित रहे। यसबाहेक अन्य खेलाडीले सम्झनलायक प्रदर्शन गरेनन्।

त्यस्तै, लुम्बिनीका सुस्मिता भुषाल, स्वस्तिका बजगाईं, कृतिका मरासिनी र सरस्वति पुनले समान १–१ विकेट लिए। जवाफी ब्याटिङमा लुम्बिनीकी सरस्वती जीएमले ५६ रन बनाइन भने कप्तान नेरी थापाले २० रन बनाइन्।

यता मेयर ११ का सरस्वति कुमारी, आरती विडारी र शिला क्षेत्रीले समान १–१ विकेट गिराए। यससँगै मेयर ११ ले पहिलो जित निकालेको छ।