दाहाललाई विश्लेषक खनालको प्रश्न : कुन नैतिकताको आधारमा ओलीलाई समर्थन दिइरहनु भएको छ ?

काठमाडौं- बृहत् नागरिक आन्दोलनका अभियान्ताहरुले नेकपा माओवादी केन्द्रका अध्यक्ष पुष्पकमल दाहालमाथि गम्भीर प्रश्न उठाएका छन्।

उनीहरुले माओवादीले सरकारलाई विरोध पनि गरेको जस्तो देखिएको तर सरकारलाई दिएको समर्थन फिर्ता नलिएको भन्दै प्रश्न गरे।

प्रज्ञा भवनमा आयोजित बृहत् नागरिक आन्दोलनको कार्यक्रममा विश्लेषक कृष्ण खनालले दाहाललाई प्रश्न गरे, ‘माओवादीले ओलीलाई दिएको समर्थन किन अहिलेसम्म फिर्ता लिन सकेको छैन ?, कुन नैतिकताको आधारमा यो समर्थन गरिरहनु भएको छ ?’

खनालले ओलीले नै आफूहरुलाई आन्दोलनमा धकेलेको तर अहिलेसम्म कुर्सीमै बसिरहेको प्रसंगमा कुर्सीमा बस्न माओवादीले नै साथ दिएको आरोप लगाए।

‘किन हामीलाई आन्दोलनमा धकल्ने केपी ओलि किन अहिलेसम्म कुर्सीमा हुनुहुन्छ ?’ उनले प्रश्न गरे, ‘अहिलेसम्म किन दलले प्रधानमन्त्रीलाई हटाउन नसकेको ?’

प्राध्यापक खनालले आफूहरुले ओलीको प्रतिगमनविरुद्ध लडेको तर दलहरुले अहिले ओलीलाई हटाउन किन नसकेको भन्दै आश्चर्य प्रकट गरे।

याे पनि

सरकारलाई दिएको समर्थन छिट्टै फिर्ता लिन्छु : दाहाल