चितवन निकुञ्ज : फागुनमा तीन गैँडा, एक बाघ र एक हात्तीको मृत्यु 

काठमाडौं - चितवन राष्ट्रिय राष्ट्रिय निकुञ्ज क्षेत्रमा फागुनमा तीन गैँडा तथा एक-एकवटा बाघ र हात्ती  मरेका छन्। 

यस्तै निकुञ्ज क्षेत्रमा १५  चित्तल, दुई घोरल तथा एक–एक बँदेल र रतुवाको कालगति तथा वन्यजन्तुको आक्रमणबाट मृत्यु भएको सेनाले जनाएको छ।

सो अवधिमा पर्सा राष्ट्रिय निकुुञ्जमा दुई बँदेल, शुक्लाफाँटामा एक चित्तल, लामटाङमा एक–एक निर बिरालो, घोरल र सेतो बाँदर तथा  शिवपुरी नागार्जुन क्षेत्रमा बिरालो प्रजातिको एक जनावर मरेको अवस्थामा फेला परेका थिए। 

बर्दिया राष्ट्रिय निकुुञ्ज क्षेत्रमा एक लङ्गुर र दुुई बँदेल मृतावस्थामा फेला परेका थिए। 

बाँके राष्ट्रिय निकुुञ्ज क्षेत्रमा पाँच चित्तल, दुई–दुई बँदेल, चौका, बाँदर र बिरालो तथा एक–एक रतुुवा र  चरीबाघ सवारीसाधनको ठक्कर र जंगली कुकुरको आक्रमणबाट मारिएको सेनाले जनाएको छ। 

मकालु वरुण राष्ट्रिय निकुुञ्ज क्षेत्रमा एक मृग तथा कोशी टप्पु वन्यजन्तु आरक्षण क्षेत्रमा एक अर्ना र दुई हरिण पनि फागुनमा मरेका थिए।

यस्तै बाघ–गैँडा आक्रमणबाट फागुनमा तीनजनाको मृत्यु भएकाे छ। राष्ट्रिय निकुुञ्ज तथा वन्यजन्तु संंरक्षण क्षेत्रका जंगली वन्यजन्तुको आक्रमणबाट मानवीय क्षतिका घटना बढ्दै गइरहेका छन्। 

गत फागुनमा मात्रै राष्ट्रिय निकुञ्ज तथा मध्यवर्ती क्षेत्र  वरपर भएका मानव–वन्यजन्तुु द्वन्द्वका घटनामा तीनजनाले ज्यान गुमाउनाका साथै चारजना घाइते भएका छन्। रासस