जुलोजिकल सोसाइटीको प्रदेश समिति गठन

विराटनगर- विराटनगरमा आयोजित नेपाल जुलोजिकल सोसाइटीको प्रदेशस्तरीय भेलाले प्रदेश १ समितिको गठन गरेको छ।

शालिग्राम अधिकारीको अध्यक्षतामा गठित समितिको उपाध्यक्षमा विकास खनाल, महासचिवमा अमित ढकाल, सचिवमा रामचन्द्र अधिकारी र  कोषाध्यक्षमा मुन थापा चयन भएका छन्।

प्रदेश समितिको सदस्यहरुमा भानुकुमार भट्टराई, डा. प्रकाशकुमार यादव, सोमप्रसाद निरौला, नारायण रेग्मी, विष्णु दाहाल र कञ्चन झा चयन भएका छन्। प्रदेश १ का प्राणीशास्त्रीहरु (जुलोजिष्ट्स) को प्रदेशस्तरीय भेलाले प्रदेश समिति गठन गरेको सचिव अधिकारीले बताए।  

नवनिर्वाचित समितिलाई बधाई दिँदै नेपाल जुलोजिकल सोसाइटीका केन्द्रीय अध्यक्ष प्रा.डा. महेन्द्र महर्जनले प्रदेश १ का प्राणीशास्त्रीहरुले अनुसन्धानका माध्यमबाट देश र समाज विकासमा योगदान दिने विश्वास व्यक्त गरे।

भेलामा प्रदेश १ का करिब ७० जना प्राणीशास्त्रीहरुको सहभागिता रहेको थियो।