मंगलबार, असोज १८, २०७९

भारतबाट चोरबाटो हुँदै आउनेलाई रोकेका छौं

उषाकला राई, सामाजिक विकासमन्त्री (प्रदेश–१)
नेत्र पी अधिकारी  |  काठमाडौं, बिहीबार, वैशाख १६, २०७८

नेत्र पी अधिकारी

नेत्र पी अधिकारी

बिहीबार, वैशाख १६, २०७८, काठमाडौं

नेपाल समय

नयाँ भेटिएन्टको कोरोना भाइरस संक्रमण प्रदेश १ मा पनि बढ्दो छ। पहाडी जिल्लाको तुलनामा तराईका जिल्लाहरुमा संक्रमण दर दैनिक बढिरहेको छ। भारतसँग सीमा जोडिएका स्थानीय तह कोरोना संक्रमणको बढी चपेटामा छन्। कोरोना संक्रमण नियन्त्रणका लागि प्रदेश सरकारले कसरी काम गरिरहेको छ त ? प्रदेश १ की सामाजिक विकास मन्त्री उषाकला राईसँग नेपाल समयका नेत्र पी अधिकारीले गरेको कुराकानीः

प्रदेश सरकारले कोरोना रोकथाम तथा नियन्त्रणका लागि कसरी काम गरिरहेको छ ?

कोरोना संक्रमणको दोश्रो लहर शुरु भएसँगै प्रदेश सरकारले यसको नियन्त्रणका लागि  काम गरिरहेको छ। शुरुवाती दिनमा तयारी थोरै ढिला भए पनि प्रदेश सरकारले अहिले अहोरात्र काम गरिरहेको छ। हामीले कोभिड अस्पताललाई तयारी अवस्थामा राखेका छौं। विराटनगरमा १८० अक्सिजनयुक्त बेड, भेन्टिलेटर सहितको अस्पताल तयारी अवस्थामा छ। अस्पतालमै अक्सिजन प्लान्ट जडानको काम भएको छ। कोभिड अस्पताल पुनः सञ्चालनका लागि थोरै काममात्र बाँकी थियो। सानो–सानो काम बाँकी थियो।

सबै सकिएको छ। अहिले प्रदेश सरकारको प्राथमिकता भनेकै कोभिड नियन्त्रण हो। यो महत्वपूर्ण कार्यका लागि प्रदेश सरकारले काम गरिरहेको छ। कोरोना संक्रमण बढे पनि स्वास्थ्य मापदण्ड पालना नभएको पाइएपछि हामीले प्रदेशभर जनस्वास्थ्यको मापदण्ड पालनाका लागि सचेतनामूलक काम शुरु गरेका छौं। सामाजिक संघ संस्थाहरुसँग सहकार्य गर्दै अभियानको थालनी गरिएको छ। विराटनगरबाट जनचेतनामूलक अभियानको थालनी भएको छ। यो अभियान प्रदेशभर चल्नेछ। 

कोभिड अस्पताल तयारी अवस्था रहेको बताउनुभयो। यसका लागि आवश्यक जनशक्तिको व्यवस्थापन कसरी गरिएको छ ?

हामीले कोभिड अस्पतालका लागि आवश्यक जनशक्ति, डाक्टर, नर्सको व्यवस्थापन गरिसकेका छौं। कर्मचारीमा पनि कुनै समस्या छैन। केही दिनअघि कोभिड अस्पतालका कर्मचारीले आन्दोलन गरे भनेर यहाँले सुन्नुभयो होला। वास्तवमा त्यो कुनै आन्दोलन थिएन। उहाँहरुको गुनासो सुन्नेबित्तिकै मैले मुख्यमन्त्रीसँग परामर्श गरी समस्या समाधानका लागि निर्देशन दिएँ। मन्त्रालयबाट कर्मचारीहरु गएर तत्काल समस्या समाधान गर्नुभयो। कर्मचारीहरुमा कुनै समस्या छैन। उहाँहरु निरन्तर काममा हुनुहुन्छ।  जनशक्ति थप्ने काम पनि भइरहेको छ। कोभिड अस्पतालमा जनशक्तिको अभाव नहोस् भनेर हामीले काम गरिरहेका छौं।  

जिल्ला स्तरमा कोरोना नियन्त्रणका लागि कस्तो काम भइरहेको छ ?

कोरोना संक्रमण प्रदेशका जिल्लाहरुमा पनि क्रमशः फैलने क्रममा छ। जिल्लास्तरमा पनि संक्रमण बढ्दै गएपछि मैले जिल्ला समन्वय समितिका प्रमुख र जिल्ला अस्पतालका प्रमुखसँग भर्चुअल मिटिङ गरेँ। उहाँहरुलाई कोभिड नियन्त्रणका लागि आवश्यक तयारी गर्न भनेको छु। उहाँहरुले तयारी गर्ने बताउनु भएको छ। मैले छिटो तयारी गर्न र यसअघि सञ्चालन गरिरहेका आइसोलेसन सेन्टर, उपचार केन्द्रहरुलाई तयारी अवस्थामा राख्न निर्देशन पनि दिएकी छु।

संक्रमण बढ्दै गएपछि व्यवस्थापनमा समस्या हुने भएकाले अहिले नै तयारी गर्न भनिएको छ। उहाँहरुलाई स्वास्थ्य मापदण्ड अपनाएर कामलाई निरन्तरता दिन भनेको छु। अन्तर जिल्लाका सिमानाहरुमा पनि हेल्थ डेस्क राख्न, अन्तर जिल्ला सिमानामा होल्डिङ सेन्टर राख्न र एन्टिजेन परीक्षणको काम अघि बढाउन आवश्यक निर्देशन भएको छ। 

भारतसँग सिमाना जोडिएका स्थानबाट आवत–जावत नियन्त्रणमा आएन भन्ने कुरा छ नि ?

पहिले त्यस्तो थियो। सिमा क्षेत्रबाट ह्वारह्वार्ती नेपाल प्रवेश गरेको थाहा पाएपछि मैले सिमा क्षेत्रको अनुगमन गरेँ। म अनुगमनमा जाँदा मुख्य नाकामा नेपाल प्रवेश गर्नेको संख्या न्यून देखे‌। मलाई विश्वास लागेन। त्यसपछि सिमा क्षेत्रका बस्तीका चोरबाटोबाट ह्वारह्वार्ती नेपाल प्रवेश गरेको देखेपछि सिमामा खटिएका सुरक्षाकर्मीहरुलाई तत्काल नियन्त्रणका लागि निर्देशन दिएँ। मैले मुख्य नाकाबाटै नेपाल प्रवेशको व्यवस्था मिलाउन पनि निर्देशन दिएको छु। अहिले पहिलेको जस्तो अवस्था छैन। धेरै नियन्त्रणमा आएको छ। 

कोरोना नियन्त्रणका लागि बजेटको प्रवन्ध कस्तो छ ?

कोभिड नियन्त्रणका लागि बजेटको कुनै समस्या छैन। मैले थप बजेटका लागि पनि प्रदेश सरकारसमक्ष भनेकी छु। कोभिड नियन्त्रणका लागि आवश्यक बजेट छ। बजेटको कुनै समस्या छैन।

प्रदेश सरकारले निजी क्षेत्रसँग कसरी सहकार्य गरिरहेको छ ?

कोरोना नियन्त्रण कार्य सरकार एक्लैबाट सम्भव छैन। यसमा सबैको सहकार्य आवस्यक छ। सवैको साथ सहोगबाट हामी कोरोनालाई परास्त गर्न सक्छौं। हामीले कोरोना नियन्त्रणका लागि निजी क्षेत्रसँग पनि सहकार्यको लागि आह्वान गरेका छौं। निजी क्षेत्रका सवै निकायहरुलाई आह्वान गरिएको छ। कोभिडसँग जुध्नका लागि सवै पक्ष जुट्न आवश्यक छ। सबै एक भयौं भने नियन्त्रण सम्भव छ।

सवै पक्षसँगको समन्वयकारी भूमिकाबाट मात्रै कोरोनाको रोकथाम गर्न सकिन्छ। एउटा पक्षबाट मात्र यो कार्य सम्भव छैन। हामीले कोरोना संक्रमितको उपचारका लागि निजी अस्पतालहरुसँग पनि सहकार्यको प्रस्ताव गरेका छौं। उहाँहरुले काम गरिरहेको अवस्था पनि छ। 


 


प्रकाशित: April 29, 2021 | 06:35:00 काठमाडौं, बिहीबार, वैशाख १६, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
संवाद

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।
नेपाल समय
संवाद

लगानीकर्ताको हितलाई केन्द्रमा राखेर नयाँ एक्सचेन्ज ल्याउन लागिएको हो : सेबोन अध्यक्ष हमाल [अन्तर्वार्ता]

हामीले विश्वभरमा स्टक एक्सचेन्जको अवस्था, नेप्सेको अहिलेको अवस्था, यसको सेवा प्रणाली, क्षमता आदिका विषयमा गम्भीर अध्ययन गरेर नै नयाँ स्टक एक्सचेन्ज ल्याउन लागेका हौं।
नेपाल समय
संवाद

१६५ निर्वाचन क्षेत्रमा २२७ वटा सिट पाउनुपर्ने चार दलको अडान अचम्मलाग्दो छः हिमलाल पुरी [अन्तर्वार्ता]

केपी ओलीले प्रतिगमन गरे भनेर रोइलो गर्ने हामीहरू उनै ओलीलाई भावी प्रधानमन्त्री घोषणा गरेर एमाले चुनावमा गइसक्दासमेत संविधान जोगाउँछौं भनेर गठबन्धन गरेकाहरूका बीच सिट बाँडफाँटकै लागि एकता हुन नसक्नु दुर्भाग्य हुनेछ।
नेपाल समय
संवाद

प्राध्यापक लोकराज बराल भन्छन्ः दोस्रो पुस्ताले शेरबहादुर, केपी ओली र प्रचण्डलाई रिप्लेस गर्नुपर्छ [अन्तर्वार्ता]

अहिलेको राजनीति दोस्रो पुस्ताका नेताहरूले सुधार्न अबको निर्वाचन (पार्टीको आन्तरिक र आमनिर्वाचन) मा एकदमै शक्तिशाली भएर आउनुपर्छ।
नेपाल समय
संवाद

अमेरिकाका लागि राजदूत खत्री भन्छन्- नेपाल सानो देश होइन, अघि बढ्न प्रयासरत छ [अन्तर्वार्ता]

वैदेशिक नीतिको कुरा गर्ने हो भने हाम्रो नीति छर्लङ्ग छ, कतैतिर पनि झुकाव छैन। यस कुरालाई हाम्रो संविधानले पनि प्रष्ट्याएको छ। त्यसैले, विश्वव्यापी शक्तिहरुका बीचमा हुनु भनेको पनि फाइदाजनक नै हुन्छ जस्तो मलाई लाग्छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना