भारतमा एकैदिन साढे २० लाखले लगाए कोरोनाको खोप, संक्रमित पनि बढ्दै

भारतले कोरोना भाइरसविरुद्धको खोप अभियानलाई तीव्र बनाएको छ।

नेपाल समय | आइतबार, चैत १, २०७७

नेपाल समय

आइतबार, चैत १, २०७७

भारतमा एकैदिन साढे २० लाखले लगाए कोरोनाको खोप, संक्रमित पनि बढ्दै

काठमाडौं– भारतले कोरोना भाइरसविरुद्धको खोप अभियानलाई तीव्र बनाएको छ।

अस्ति शुक्रबार एकै दिनमा करिब साढे २० लाखले खोप लगाएका छन्। दैनिक खोपमा यो अहिलेसम्मकै बढी संख्या हो।

हिजो शनिबार साँझसम्मको तथ्यांकअनुसार भारतमा अहिलेम्म २ करोड ९१ लाखले कोरोनाको खोप लगाइसकेका छन्। यीमध्ये ५३ लाखले दोस्रो डोज पनि लगाइसकेका छन्।

भारतमा भारत बायोटेकले उत्पादन गरेको कोभ्याक्सिन र सिरम इन्स्टिच्युटले उत्पादन गरेको कोभिसिल्ड प्रयोग भइरहेको छ। यीबाहेक अन्य ६ वटा भ्याक्सिनमा पनि काम भइरहेको भारतीय सञ्चारमाध्यमले जनाएका छन्।

महामारी सुरु भएको एक वर्ष बितिसक्दा पनि भारतमा कोरोना संक्रमितको संख्या बढिरहेकै छ। अहिलेसम्म १ करोड १३ लाखभन्दा बढी संक्रमित भइसकेका छन्। तीमध्ये १ लाख ५८ हजारको ज्यान गएको छ।

प्रकाशित: Mar 14, 2021| 02:27 आइतबार, चैत १, २०७७