माधव–झलनाथ पक्षले बनायाे समानान्तर कमिटी

काठमाडौं – नेकपा एमालेका वरिष्ठ नेता माधव नेपाल र झलनाथ खनाल पक्षले सातवटै प्रदेशका संयोजक तोकेको छ। 

प्रदेश १ मा भीम आचार्य, २ मा घनश्याम भुसाल, बागमतीमा अष्टलक्ष्मी शाक्य, गण्डकीमा सुरेन्द्र पाण्डे, लुम्बिनीमा युवराज ज्ञवाली र सुदूरपश्चिममा भीम रावललाई संयोजनकाे जिम्मा दिइएकाे छ।

त्यस्तै युवामा रघु पन्त, विद्यार्थीमा गोकर्ण विष्ट, प्रचार विभागमा योगेश भट्टराई, महिला विभागमा अष्टलक्ष्मी शाक्य, बुद्धिजीवीमा प्रमेश हमाललाई जिम्मेवारी तोकिएको छ। 

केहीबेरमा स्थायी कमिटीका बहुमत सदस्यको वक्तव्य आउने एक नेताले बताए।

कानुनी प्रावधानबारे विद्वान अधिवक्ता गोविन्द बन्दी र टीकाराम भट्टराईले जानकारी दिइरहेका छन्। 

नेकपा एमाले अध्यक्ष केपी शर्मा ओलीले माधव–झलनाथ पक्षका नेताहरूको जिम्मेवारी खोस्दै आफू निकटका नेतालाई जिम्मेवारी दिएपछि माधव–झलनाथ पक्षले समानान्तर कमिटी गठन गरेको हो।