माओवादी संसदीय दलको नेता एमाले केन्द्रीय सदस्य मनोनित

विराटनगर- नेकपा माओवादी केन्द्र प्रदेश १ संसदीय दलको नेता टंक आङवुहाङ एमाले केन्द्रीय सदस्यमा मनोनित भएका छन्।

अध्यक्ष ओलीले शुक्रबार रामबहादुर थापा बादल समूहबाट थपिएका २२ जना केन्द्रीय सदस्यमा आङवुहाङ पनि छन्। उनी ताप्लेजुङबाट निर्वाचित प्रदेशसभा सदस्य हुन्। 

प्रधानमन्त्री ओलीको पुस ५ को कदमपछि दाहाल नेपाल समूहबाट प्रदेश १ का मुख्यमन्त्री शेरधन राईविरुद्ध अविश्वास प्रस्तावमा हस्ताक्षर गरेका उनी केही समयअघि दाहाल नेपाल समूहबाट अलग भएको बताएका थिए।

संसदीय दलको नेता नै एमाले केन्द्रीय सदस्य भएपछि चैत २ गतेको बैठकमा के गर्ने भन्नेमा माओवादी केन्द्रमा अलमल भएको छ। पार्टी एकीकरणअघि माओवादीले संसदीय दलको नेता मात्र चयन गरेको थियो।

पार्टी एकीकरणपछि आङवुहाङ संसदीय दलको उपनेता थिए।

चैत २ गतेको बैठकअघि नै माओवादी केन्द्रको भेला काठमाण्डौंमा बोलाइएका कारण सो बैठकमा उपस्थित हुने सम्भावना कम भएको प्रदेशसभा सदस्य इन्द्रबहादुर आङ्वोले बताए।